Салоҳ АПЛ рекордини ўрнатган ўйинда "Ливерпуль" йирик ҳисобда зафар қучди

Англия Премьер-лигаси дастлабки тури доирасида ўтказилган "Норвич" - "Ливерпуль" беллашув 3:0 ҳисоби билан меҳмонлар фойдасига ҳал бўлди.

26-дақиқада Диогу Жота ҳисобни очди. Иккинчи бўлимда захирадан майдонга тушган Фирмино орадаги фарқни оширди. Ҳар икки голга пас берган Салоҳ 74-дақиқада ўзи гол уриб, ўйинга мантиқий нуқта қўйди.

Шу тариқа, "қизиллар" жорий мавсумни ғалаба билан бошлади. Муҳаммад эса, кетма-кет 5-йил АПЛ стартида гол уришга муваффақ бўлди. Бу мусобақа рекорди ҳисобланади.

• 90+2'
  

  Учрашув якунланди. "Ливерпуль" мавсумни йирик ҳисобдаги ғалаба билан бошлади!

• 90'
  

  Ўйиннинг асосий вақтига 2 дақиқа қўшиб берилди.

• 89'

  Саржентнинг ўткир бурчакдан берган зарбасига аниқлик етишмади.

• 87'
  

  Жарима майдони ичидаги пала-партишликдан "Норвич" футболчилари фойдалана олмади. Гибсоннинг яқин масофадан берган зарбасини Алиссон қайтарди.

• 85'

  Жарима майдони ичида бир неча рақибларидан ўтган Салаҳ тўпни шериклари томон узатди. Аммо Тим Крул тўпни ушлаб олди.

• 83'
  

  Харви Эллиот ўйинга қўшилди. Унинг ўрнига Наби Кейта захирага олинди.

• 81'

  Наби Кейта жарима майдонига пас оширди. "Қизиллар"дан ҳеч ким тўпга ета олмади.

• 79'

  "Норвич"нинг ҳужумлари тобора хавфлироқ чиқмоқда. Бу қачонгача давом этаркин?

• 77'
  

  Рашица ва Пукки ўрнига Саржент ҳамда Адам Ида ўйинга қўшилди.

• 74'
  

  ГОООООООООООЛ! Салаҳ ҳисобни йирик кўринишга келтирмоқда!

  Ҳимоячилардан қайтган тўпни Муҳаммад кучли зарбаси билан дарвозага жойлаб қўйди.

• 72'

  Сўнгги дақиқаларда "канарейкалар" позицион ҳужум уюштирмоқда. "Ливерпуль" қарши ҳужумда.

• 70'

  Лукас Раппнинг зарбасига аниқлик етишмади.

• 68'

  Жарима майдонига ёриб кирган Салаҳ тўпни олдириб қўйди.

• 65'
  

  ГОООООООООЛ! "Ливерпуль" орадаги фарқни иккитага етказиб қўйди!

  Салаҳнинг узатмасидан унумли фойдаланган Фирмино дарвозани ишғол этди.

• 63'

  Арнольднинг зарбасидан кейин тўп тўсин юқорисидан ўтиб кетди.

• 63'
  

  Цимикаснинг зарбасидан сўнг Крул тўпни ушлаб олди.

• 60'
  

  Жота ва Окслейд ўрнига Фабиньо ҳамда Фирмино ўйинга қўшилди.

• 57'

  Жарима майдонига етказиб берилган тўпга Пукки зарба бера олмади.

• 55'

  Трентнинг зарбасидан кейин тўп устун ёнгинасидан ўтиб кетди.

• 53'
  

  Жотани ортдан "чопган" Кэнтуэлл огоҳлантирилди.

• 51'

  Жоель Матип ҳужумда қўполлик ишлатди.

• 48'

  Трентнинг узатмасидан кейин Мане зарба берди. Тўп ҳимоячидан ўтмади.

• 46'
  

  Иккинчи тайм бошланди!

• 45+1'
  

  Танаффус!

• 45'

  Биринчи таймга 1 дақиқа қўшилди.

• 42'

  Бўлим якунига келиб ҳар икки жамоа бироз тинчиб қолди.

• 38'

  Ўз услубига мувофиқ, мерсисайдликлар қанотларга асосий урғуни қаратмоқда.

• 36'

  Ҳужумлар кўпроқ "Норвич" дарвозаси қаршисида юзага келмоқда. Аммо Алиссон ҳам зерикиб қолмаяпти.

• 34'

  Матипнинг зарбасидан кейин бўш қолган дарвозага кириб кетаётган тўпни ҳимоядагилар қайтарди.

• 32'

  Пуккининг узатмасидан сўнг Арнольд тўпга биринчи бўлиб етиб келди ва хавфни бартараф этди.

• 30'

  Ўйин икки томоннинг қарама-қарши ҳужумлари остида давом этмоқда.

• 28'

  Рақиб жарима майдони ичида Матип фаоллик кўрсатиб, жамоасига бурчак зарбаси ишлаб берди.

• 26'
  

  ГООООООООООЛ! "Ливерпуль" ҳисобни очди!

  Салаҳнинг чиройли узатмасидан сўнг қулай вазиятга чиққан Жота дарвозани ишғол этди.

• 25'
  

  Пуккига нисбатан қўполлик ишлатган Мильнерга сариқ карточка кўрсатилди.

• 24'

  Олдинга чиқиб кетган Алиссоннинг устидан тўпни ташлаб қўйишга ҳаракат қилган Кэнтуэлл ижрода бироз адашди.

• 23'

  Маненинг узатмасидан сўнг Салаҳ тўпга чиройли услубда зарба йўллади. Тўп устун ёнгинасидан ўтиб кетди.

• 21'

  Лукас Раппнинг ҳаволатиб йўллаган зарбаси бироз ноаниқ кетди.

• 20'
  

  Пуккининг яқин масофадан йўллаган зарбасини Алиссон қайтарди.

• 19'

  Алекс Окслейд-Чемберленнинг жарима майдони ташқарисидан берган зарбаси тўсин юқорисидан ўтиб кетди.

• 17'
  

  Салаҳнинг зарбасидан кейин дарвозабон тўпни ушлаб олди.

• 14'

  Окслейд-Чемберлен ноаниқ пас берди. Натижада, меҳмонлар тўп йўқотди.

• 13'

  Жамоадоши узатган тўпга Пукки бироз ета олмади.

• 11'
  

  Жотанинг зарбасидан кейин Крул сейв ижро этди.

• 9'

  "Қизиллар"нинг босими давом этяпти ва тобора кучаймоқда.

• 7'

  Цимикас ҳужумда қўполлик ишлатди.

• 5'

  Маненинг бош билан йўллаган зарбаси ўхшамади.

• 3'
  

  Рашица ўйиндан ташқари ҳолатда қолиб кетди.

• 2'

  Кутилганидек, илк сониялардан меҳмонлар олдинга ўтмоқда.

• 1'
  

  Ўйин бошланди!

• 0'

  Футболчилар майдонга тушиб келди. Ўйин бир неча дақиқалар ичида старт олади.