Салоҳ мағлубиятларнинг сабаби нимада эканлигини айтди

"Ливерпуль" клуби қанот ҳужумчиси Муҳаммад Салоҳ жамоанинг жорий мавсум стартидаги натижаларидан норозилигини билдириб, бу натижалар нима билан боғлиқ бўлиши мумкинлиги ҳақидаги фикрлари билан ўртоқлашди.

"Мавсумнинг бундай бошланишидан қониқмадим. Биз учун мавсум қийин кечмоқда, чунки жамоада бир нечта янги футболчилар пайдо бўлди. Яхши харидлар, лекин уларга жамоага мослашиш учун вақт керак. Бизга фақат мослашиш ва бир-биримизнинг ўйинимизни тушуниш учун вақт керак. Шундан кейин ҳаммаси яхши бўлади", - дея Салоҳнинг сўзларини келтиради журналист Фабрицио Романо Х ижтимоий тармоғидаги саҳифасида.

Барча мусобақалардаги сўнгги 8 ўйинда "Ливерпуль" 6 марта мағлубиятга учради. Мерсисайдликлар Англия чемпионатидаги 10 ўйиндан сўнг 18 очко жамғариб, учинчи ўринда бормоқда.