Салоҳ қасос олишга ошиқмоқда (Фото)

"Ливерпуль" вингери Муҳаммад Салоҳ "Реал"га қарши бўлиб ўтадиган Чемпионлар лигаси финалини интиқлик билан кутмоқда. 

Мадридликлар "Манчестер Сити"ни мағлуб этганидан сўнг мисрлик футболчи ўз инстаграм саҳифасида қуйидагича пост қолдирди": Бизнинг ҳисоб-китобимиз бор". 

2018 йили "Ливерпуль" ҳамда "Реал" Мадрид Чемпионлар лигаси финалида тўқнаш келган. Ўша ўйиннинг биринчи бўлимида Салоҳ Рамос билан дуелда жароҳат олиб, майдонни тарк этган. Натижада "қизиллар" 3:1 ҳисобида рақибга имкониятни бой берганди.