Салоҳ Саудия Арабистони клубларига кетадими?

"Ливерпуль" вингери Муҳаммад Салоҳ жамоани тарк этишга тобора яқинлашмоқда. Футболчи келаси ёзда Саудия Арабистонига йўл олиши мумкин.

Салоҳни қўлга киритиш учун асосий даъвогарлар сифатида "Ал-Ҳилол" ва "Ал-Қадисия" клублари қайд этилмоқда. Футболчининг Саудия Арабистонидаги эҳтимолий шартномаси суммаси ошкор қилинмаган.

Аввалроқ ОАВ хабар беришича, мерсисайдликлар мисрлик вингерга ўринбосар излашни босқичма-босқич бошлаган. Англия клуби ҳозирнинг ўзида бир нечта эҳтимолий номзодларга эга.

Маълумот учун, ҳужумчи жорий мавсум "қизиллар" сафида 19 та баҳсда майдонга тушиб, 5 та гол ва 3 та ассист қайд этган.