Салоҳ Тедди Шерингемнинг тарихий рекордини такрорлади
Келаси мавсум у мутлақ рекордчига айланиб олиши мумкин.
"Ливерпуль" форварди Муҳаммад Салоҳ бугун АПЛнинг янги мавсум илк турида "Лидс" дарвозасини ишғол қилди.
Opta статистик портали тарқатган хабарга кўра, мисрлик тўпурар қаторасига тўртинчи мавсум ҳам премьер-лиганинг илк турида ўз номига гол ёздириб қўймоқда. Бунгача ушбу натижани "Тоттенхэм" афсонаси Тедди Шерингем 1992/93, 1993/94, 1994/95 ва 1995/96 йилги мавсумларда гол уриб қайд этган эди.
Бундан ташқари, Салоҳ “Ливерпуль”нинг 63 та уй учрашувида рақиблари дарвозасига 51 та гол урди. Бу борада у фақатгина афсонавий Алан Ширердан (47 та ўйин, 50 та гол) ортда қолди холос.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар