Самбо: Ҳамюртларимиздан олтин ва кумуш

Осиё ўйинларинингбугунги кун баҳсларида ҳамюртларимиз ўз иштирокларини якунлашди.

Кун дастуридан ўрин олган самбо баҳсларида ҳамюртларимиз медалларимиз жамғармасини биттадан олтин ва кумуш медаллари билан бойитишди.

Хусусан, аёллар ўртасидаги -68 кг вазн тоифасида Нилуфар Давлетова Дилдаш Куришбаева билан баҳсда рақибасига имкониятни бой бериб қўйди ва Осиё ўйинларининг кумуш медали соҳибасига айланди.

Шунингдек, -90 кг вазн тоифасида Камолиддин Холмаматов тожикистонлик Умед Хасанбековни мағлуб этган ҳолда, Осиё ўйинларидаги медалларимиз сонини 21 тага етказиб қўйди.