Самвел Бабаян: "Мен қаерда бўлсам, ўша жамоа ҳар доим чемпионлик учун курашади"

Ўзбекистон Суперлигаси 26-туридан ўрин олган "Навбаҳор" - АГМК учрашуви ниҳоясига етди. Унда мезбонлар 3:1 ҳисобида ишончли ғалабани қўлга киритди.

"Лочинлар" сафида уч голни Искандеров, Абдуманнопов ва Жокич киритди. "Кончилар"нинг ягона голи Мираҳмадов номига қайд этилди.

Шу тариқа, "Навбаҳор" очколари сонини 53 тага етказиб олди. Жамоа айни пайт 2-поғонадан жой эгаллади.

Қуйида "лочинлар" устози Самвел Бабаяннинг ўйиндан кейинги фикрлари билан танишиб чиқишингиз мумкин: 

- Бугун қизиқарли ўйин бўлди. Биздан мухлислар қизиқарли ва ҳужумкор футбол кутишди ва биз уларга кутилганини тақдим эта олдик. Бунақа интригали мавсум Суперлига тарихида бўлмаган.

- Бу каби интригага сабаб - "Навбаҳор". "Лочинлар" қайтди. Ҳолис айтадиган бўлсак, биз кубокда ҳам ички чемпионатда ҳам муносиб курашди.

- Мен қаерда бўлсам, жамоа ҳар доим чемпионлик учун курашади. Шу сабабли, раҳбариятда муваффақият учун катта иштиёқ бор. Агар олдимда бу вазифа турса, шартномамни узайтираман.

- Тўғрисини айтсам, йирик ҳисобдаги ғалаба мен учун муаммо эмас. Бироқ мен учун энг муҳими - мухлисларнинг хурсанд бўлиши.

- Биз бир ичида Суперлигада ҳам Кубокда ҳам ғолиб бўлишимиз мумкин эди? Шундайми? Мен сизларга айта оламан, шундай.