Санчес қандай қилиб МЮ сафида бир йилда 25 млн фунт ишлаб олиши мумкин?
Ads

“Манчестер Юнайтед” ҳамшаҳари “Манчестер Сити”ни ортда қолдириш учун чилилик ҳужумчи Алексис Санчесга жуда катта бонуслар ваъда қилгани маълум бўлди.

Daily Mail нашри тарқатган хабарга кўра Санчес МЮ билан шартномага имзо чекканининг ўзига 6,7 млн фунт бонус олган. Бундан ташқари келишувга кўра унинг айни дамдаги ҳафталик маоши 391 минг фунтни ташкил этади. Шундан келиб чиқиб айтиш мумкинки Санчес бир йилда 20,35 млн фунт маош ишлаб топади.

Бундан ташқари Алексисга ҳар бир ўтказган ўйини учун яна 75 минг фунт берилади. Агар жамоа мавсум якунида ЕЧЛ йўлланмасини қўлга киритса қўшимча 1,1 млн бонусга эга бўлади. Агар у мавсум давомида “гол+пас” тизими бўйича 40 очко тўпласа ҳисобига яна қўшимча 2 млн фунт келиб тушади.

Агар МЮ Чемпионлар лигасида зафар қучса Санчесга 1 млн фунт берилади. Бордию жамоа АПЛда ғолиб чиқса, бунинг ортидан яна 500 минг фунт ишлаб олиши мумкин.

Шу тариқа Санчес “Манчестер Юнайтед”да бир мавсум давомида 25 млн фунт маблағ қўлга киритиши мумкин.

Эслатиб ўтамиз, Чили терма жамоаси аъзоси МЮ сафига қишки трансферлар даврида “Арсенал”дан Генрих Мхитарян эвазига келиб қўшилган эди.

Минбар

Барча блоглар