Санжар Шоаҳмедов "Хоразм" билан хайрлашди

Про лигадан Суперлигага қайтган “Хоразм” мавсум аввалида таркибини кучайтириш учун тажрибали ўйинчиларни таклиф қилди ва уларнинг орасида Санжар Шоаҳмедов ҳам бор эди.

Бироқ бу йил 35 ёшни қаршилайдиган ярим ҳимоячининг “Хоразм”даги фаолияти узоққа чўзилмади.

Sports.uz га маълум бўлишича, футболчи клубни тарк этди ва унинг ўзи ушбу хабарни тасдиқлади.

Биринчи даврада Санжар “Хоразм” сафида Суперлига ва Ўзбекистон Кубогида ҳаммаси бўлиб 18 та учрашувда майдонга тушди ва 4 та голли пасни амалга оширди.