Санжар Турсунов операция қилинди

АГМК сардори Санжар Турсунов операцияни бошдан ўтказди.

Клуб матбуот хизмати берган хабарга кўра, олмалиқликлар етакчиси жароҳатини бартараф этиш мақсадида Германиянинг Мюнхен шаҳрига жарроҳлик амалиётини ўташ учун борган ҳамда жараён муваффақиятли якунланган. Маълум бўлишича, тажрибали футболчи мавсум стартига қадар сафга қайтиши кутилмоқда.

36 ёшли Турсунов ўтган мавсум "кончилар" таркибида 20 ўйинда майдонга тушди ва ўз ҳисобига 1 гол ҳамда 3 ассистни ёздириб қўйишга муваффақ бўлган.