Сардор Рашидовнинг "Қатар СК" билан тузган шартномаси якунига етди

Қатар юлдузлар лигасида мавсум ниҳоясига етди ва ҳамюртимиз Сардор Рашидов тўп сураётган “Қатар СК” 8-ўринни эгаллади.

Биз учун аҳамиятлиси шундаки, ўтган йилдан бери Қатарда тўп суриб келаётган Рашидовнинг клуби билан тузган шартномаси якунига етган.

Маълумотларга қараганда, янги шартнома имзолаш борасида музокаралар олиб борилмоқда ва бундан ташқари, Сардорга янги таклифлар ҳам бор. Футболчимизнинг айтишича, барча масала тез кунларда ҳал бўлади.