Сардор учун "Милан" ҳам курашга қўшилди

"Милан" клуби "Зенит" форварди Сардор Азмунни ўз сафида кўришни истамоқда. Бу ҳақда Football Italia нашри хабар тарқатмоқда.

Юқоридаги манбага кўра 25 ёшли эронлик футболчи “россонерилар”нинг шорт-листидан жой олган. "Милан" бу борада Азмун учун асосий даъвогар ҳисобланган "Наполи" билан рақобат олиб боришига тўғри келади.

Аммо, "Милан"нинг ҳужумчи борасидаги асосий нишони барибир "Реал" форварди Лука Йович ҳисобланади.

“Зенит” Азмун учун 30 млн евро талаб қилмоқда. У жорий мавсум 45 та ўйинда майдонга тушди ва 26 та гол ҳамда 10 та голли узатмага муаллифлик қилди.