Сарри "Милан"да иш бошлаши мумкин

Лондоннинг "Челси" клуби бош мураббийи Маурицио Сарри мавсум якунлангач яна А Серияга қайтиши мумкин. Бу ҳақда Calciomercato нашри хабар бермоқда.

Юқоридаги манбаага кўра 60 ёшли италиялик мутахассисига "Милан" клубидан қизқишлар пайдо бўла бошлади. У “россонерилар” сафида Женнаро Гаттузонинг ўрнини эгаллаши мумкин.

Эслатиб ўтамиз, бундан аввалроқ Саррига "Рома" ва "Интер" клублари ҳам харидор бўлаётгани ҳақида хабарлар тарқалган эди.

Маълумот учун, Сарри "Челси"ни 2018 йилнинг июлидан буён бошқариб келмоқда. У бунгача “Наполи”га устозлик қилиб келаётган эди.

Фикрлар

Фикр қолдириш учун авторизациядан ўтинг!