Сарри: Мората ўзига келиб олиши учун 2-3 та гол киритиши керак
"Челси" устози Маурицио Сарри Европа лигаси 1-турида ПАОК устидан қозонилган ғалабадан сўнг бўлажак ўйинлар ва ҳужумчи Альваро Мората ҳақида ўз фикрларини билдириб ўтди.
"Инглиз жамоалари учун Европа лигасида ўйнаш бир қанча қийинчиликларни туғдиради. Италияда мен бугунги ўйиндан сўнг чемпионатдаги беллашувни душанбага кўчира олган бўлар эдим. Англияда эса бошқача, биз 63 соатдан сўнг яна бир ўйин ўтказишимиз керак.
Ҳозир ўтказилган олти ўйиндан сўнг муаммо эмас, аммо келгусида бу борада вазият бироз мураккаблашади. Умид қиламанки, биз плей-офф масаласини бир неча тур олдин ҳал этамиз.
Мората ўзига келиб олиши учун икки-учта гол киритиши керак. Мен унга ишонч бағишлай олмайман. Бугун ҳам унда уч-тўртта вазият бўлди, аммо фойдалана олмади. Умид қиламанки, унга келажакда ёрдам қила оламан, лекин ишончни голлар орқали ортга қайтариш мумкин", - деди италиялик мутахассис.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар