Сарри нега Роналду К-Лига юлдузларига қарши ўйинда майдонга тушмаганини айтди

Аввал хабар берганимиздек Осиё бўйлаб турне ўтказаётган Туриннинг “Ювентус” клуби кеча Жанубий Корея К-Лигаси юлдузларига қарши ўртоқлик учрашувида майдонга тушди ва 3:3 ҳисобида жанговор дуранг билан якунланди. Таъкидлаш керакки, шу куни “кекса синьора” сафида Криштиану Роналду майдонга тушмади. Бош мураббий Маурицио Сарри эса буни қуйидагича изоҳлади.

“Роналду майдонга тушиши керак эди, аммо унинг айрим мушакларида толиқиш пайдо бўлди. Биз ушбу ҳолатни Криштиану ҳамда клуб президенти Андреа Аньелли билан муҳокама қилдик ва унга озроқ дам бериш керак деган қарорга келдик”, - дейди италиялик мутахссис.

Маълумот учун, “Ювентус” 34 ёшли португалиялик футболчини бундан бир йил муқаддам “Реал”дан 117 млн евро эвазига сотиб олган эди. У ўтган мавсум туринликлар сафида 43та ўйинда майдонга тушди ва ўз ҳисобига 28та гол ҳамда 10та голли узатма ёздириб қўйишга эришди.