Сарри Роналду ва Дибаладан нима кутмоқда?

Туриннинг "Ювентус" клуби бош мураббийи Маурицио Сарри жамоа ҳужумчилари Криштиану Роналду ва Пауло Дибалалардан "Интер"га қарши бўладиган ўртоқлик учрашувида нималар кутаётганини айтди.

“Роналдунинг топшириғи – натижа қилиш. Мен уни чап қанот ҳужумчиси сифатида кўряпман, чунки у қанотдан марказга кириб, дарвозага зарба беришни ёқтиришини биламан. Дибала плеймейкер позициясида ўйнаши мумкин”, - дейди италиялик мутахссис.

Эслатиб ўтамиз, “Ювентус” ва “Интер” баҳси эртага Тошкент вақти билан соат 16:30да бошланади.