Сарри "Ювентус" билан музокаралар ўтказиш учун Италияга келди

"Челси" клуби бош мураббийи Маурицио Сарри Милан шаҳридаги меҳмонхонага келиб жойлашди. Таъкидлаш керакки, ушбу меҳмонхонадан "Ювентус" клуби музокаралар ўтказиш учун тез-тез фойдаланади.

Sky Sport Italia тарқатган хабарга кўра 60 ёшли италиялик мутахассис бу ерга айнан Турин супер клуби билан музокаралар ўтказиш учун келган. Маълумотларга қараганда Сарри “Ювентус” билан “2+1” кўринишида шартнома имзолайди ва йилига бонуслардан ташқари 6 млн евро маош олади.

Эътиборлиси, “Челси” раҳбарияти ҳам профессионал ва шахсий сабабларга кўра Саррини қўйиб юборишга розилик билдирган.