"Сассуоло" - "Милан": Матнли трансляция

Ассалому алайкум, қадрли футбол ихлосмандлари! Италия А серияси 13-туридан ўрин олган "Сассуоло" - "Милан" ўйинини сайтимиз матнли кўринишда сизга тақдим этади. 

Матнли трансляцияни Абдулла Маннонов олиб боради.

  • 90+6'

    Маурицио Мариани ҳуштаги янгради ва учрашув якунланди. Пешқадам "Милан" меҳмонда муҳим ғалабани қўлга киритиб, 3 очкони қўлга киритди. Матнли трансляцияни Абдулла Маннонов олиб борди. Эътиборингиз учун раҳмат.

  • 90+4'

    Доминико Берарди майдонда тиббий ёрдам олмоқда. Унинг жароҳати жиддийга ўхшаяпти.

  • 90+'

    Учрашувга 3 дақиқа вақт қўшиб берилди.

  • 90'

    ГОООООООООООООООООООЛЛЛ!!! Доменико Берарди жарима майдони ташқарисидан кучли зарба берди ва Доннарумма дарвозасини ишғол этди! 1-2!

  • 89'

    Алессио Романьоли қўпол подкати эвазига сариқ карточка билан жазоланди.

  • 87'

    "Сассуоло"да ҳам ўзгариш: Хамед Траоре ўрнига Педро Обьянг майдонга тушди.

  • 86'

    "Милан"да ўзгариш: Хакан Чалханоглу ўрнига Даниель Малдини майдонга тушди.

  • 85'

    "Милан" негадир ҳимояга ётиб олди, бу ўзи учун зарарга ишлаш эҳтимоли йўқ эмас.

  • 81'

    Хамед Траоренинг қулай узатмасига эга чиқувчи шерик топилмаяпти. "Милан" аниқ ўйнашда давом этмоқда.

  • 78'

    "Милан"нинг ушбу ҳужумга жавоби ҳам хавфли бўлди: Хаугенинг зарбасини "Сассуоло" дарвозабони қайтариб қолди!

  • 76'

    Хавфли вазият: мезбонлар футболчиси Мехди Бурабиа ажойиб узатмани қабул қилиб олди ва кучли зарба берди! Доннаруммадан сейв!

  • 74'

    "Сассуоло" бурчак зарбасидан унумли фойдалана олмади: узатма ноаниқлиги боис вазият бартараф этди.

  • 71'

    Меҳмонлар футболчиси Давиде Калабрия рақибини чалиб йиқитганлиги боис сариқ карточка билан жазоланди.

  • 69'

    Чалханоглу такрорий бурчак зарбасини ижро этади. Дарвозабон тўпга эрта эга чиқди.

  • 68'

    Хакан Чалханоглу бурчакдан узатган тўпни мезбонлар аъзоси боши билан узоқлаштирди. 

  • 66'

    Жарима зарбаси. Хакан Чалханоглу уни ижро этди. Ҳимоячилардан бири тўпни жарима майдонидан узоқлаштирди.

  • 65'

    Доминико Берардининг қўполлиги учун бош ҳакам Маурицио Мариани сариқ карточка кўрсатди.

  • 63'

    Максим Лопес амалга оширган бурчак зарбаси хавфли кўриниш олганига қарамай, ҳимоячилар бир амаллаб вазиятдан чиқиб кетди.

  • 62'

    "Сассуоло" таркибида ўзгариш: Тольян ўрнига Мюлдур майдонга тушди.

  • 61'

    Франк Кесси қўпол ўйини эвазига сариқ карточка билан жазоланди.

  • 60'

    Берардининг зарбаси ноаниқ кетди. 

  • 58'

    Хауге Диас ўрнига майдонга тушмоқда. 

  • 57'

    Журичич ўрнига Бога майдонга тушди. 

  • 53'

    Траоренинг зарбасини Доннарумма ушлаб олди. 

  • 49'

    "Сассуоло" ҳимоясидагилар жарима майдонига узатилган тўпни қайтариб юборди. 

  • 46'

    Тонали ўрнига Крунич майдонга тушмоқда. 

  • 46'

    Иккинчи тайм бошланди. 

  • 45+4'

    1-тайм якунланди. "Милан" кийим алмаштириш хонасига 2 та тўп устунлиги билан йўл олмоқда. Танаффус.

  • 45+1'

    Рафаэль Леау қанотда тўпни қабул қилиб олди ва зарба позициясига чиқиб зарба берди! Зарбага бирозгина аниқлик етишмади.

  • 45'

    Биринчи таймга 3 дақиқа вақт қўшиб берилди.

  • 41'

    "Милан" ҳимоячилари тўпни Траорега осонгина бериб қўйишди, Траоре ўз техникасига эвазига уларни алдаб ўтиб зарба беришга муваффақ бўлди! Тўп чап бурчакнинг ёнгинасидан ўтиб кетди.

  • 39'

    Ухх, қандай хавфли вазият! Хамед Траоренинг кучли зарбаси дарвоза устунининг бир неча сантиметр ёнидан ўтиб кетди! Ҳисоб ўзгариши мумкин эди.

  • 37'

    Тео Эрнандес жарима майдони ташқарсидан кучли зарба беришга муваффақ бўлди, ҳимооячилар зарбани блоклашди.

  • 35'

    Ҳакам бурчакни кўрсатди. Хакан Чалханоглу уни ижро этади.

  • 34'

    "Милан" прессингга асосланган позицион ҳужум уюштирмоқда.

  • 33'

    Бурчакдан узатилган тўпни Доминико берарди дарвозага йўналтирди, ҳимоячилар бу вазиятда устун келишди.

  • 32'

    "Сассуоло"нинг қарши ҳужумини Доминико берарди кучли зарбаси билан якунлади: тўп рикошет ҳолатидан сўнг майдон ташқарисига чиқиб кетди. Бурчак зарбаси ижро этилади.

  • 31'

    Сандро Тонали майдонда тиббий ёрдам олмоқда. Унинг ўйинни давом эттира олиши сўроқ остида қолмоқда.

  • 30'

    "Сассуоло" футболчиси Филип Журичич бу фоли учун қизил карточка ҳам олиши мумкин эди. Бироқ ҳакам оғзаки огоҳлантириш билан чекланди.

  • 26'

    ГООООООООООООООООООООООЛЛЛ!!! Тео Эрнандеснинг ажойиб пасини Алексис Салемакерс дарвозага жойлаб қўйди! 0-2!

  • 25'

    Доминико Берарди бурчак зарбасини ижро этди, "Милан" вазиятни осон бартараф этиб, қарши ҳужумга ўтиб кетди.

  • 23'

    "Сассуоло"нинг бурчак зарбаси Теонинг фол ҳаракатлари эвазига бартараф этилди.

  • 22'

    "Сассуоло" футболчиси Жереми Толян тўпни зарба позициясидаги шеригига етказиб берди, узатма блокланди. Бурчак тўпи ижро этилади.

  • 21'

    Хакан Чалханоглу ижро этган бурчак зарбаси муваффақиятсиз якунланди, ҳимоячилар фаол ўйнади.

  • 20'

    Тео Эрнандес қанотдан тўпни жарима майдони ичига етказиб берди, ҳимоячилар тўпни майдон ташқарисига чиқариб юборди. Бурчак тўпи.

  • 18'

    Франк Кесси ҳужумда фол ишлатди.

  • 15'

    Брахим Диас ўта агрессив ўйин кўрсатди ва ҳакамдан оғзаки огоҳлантириш олди.

  • 13'

    "Милан" тўпни назорат қилмоқда. Позицион ҳужум давом этмоқда.

  • 11'

    Гол бекор қилинди! ВАР бу ҳолатда офсайд бўлди деб ҳисоблади ва ҳакам ўйинни давом эттиришга ишора қилди.

  • 10'

    Ҳакамга ВАР вакиллари мурожаат қилишди. Гол бекор қилиниши мумкин. Эҳтимолий офсайд ҳолати текширилмоқда.

  • 10'

    ГОООООООООООООООООООЛЛЛ!!! "Милан" ҳисобни йириклаштирди! Бу сафар роллар алмашди: Леаунинг пасини Чалханоглу дарвозанинг пастги чап бурчагига михлаб қўйди! 0-2!

  • 8'

    "Сассуоло"нинг илк қарши ҳужуми муваффақиятсиз якунланди. Тўп миланликларда.

  • 7'

    "Милан" кучли прессингли ҳужумлар уюштирмоқда. "Сассуоло" ҳимояда қамалиб қолди.

  • 4'

    Ҳозиргина гол урган Рафаэль Леауда офсайд ҳолати қайд этилди.

  • 1'

    ГОООООООООООООООЛЛЛ!!! "Милан" илк дақиқаданоқ ҳисобни очмоқда! Чалханоглунинг жарима майдони ичига узатган тўпини Рафаэль Леау дарвозага жойлаб қўйди! 0-1!

  • 1'

    Учрашув бошланди!

  • 0'

    Футболчилар майдонга чиқиб келишмоқда. Италия А серияси мадҳияси янгради.

  • 0'

    Ассалому алайкум, қадрли футбол ихлосмандлари! Италия А серияси 13-турининг турнир пешқадами иштирокидаги бахсига хуш келибсиз. "Сассуоло" ўз уйида "Милан"ни меҳмон қилади. Матнли трансляцияни Абдулла Маннонов олиб боради.

Фикрлар

Фикр қолдириш учун авторизациядан ўтинг!