Саудия Арабистони чемпионати. "Ал-Насср"дан камбэк. Машарипов 66 дақиқа ўйнади

Саудия Арабистони чемпионатининг 3-туридан ўрин олган "Ал-Насср" ва "Ал-Таавун" жамоалари ўртасидаги ўйин якунланди. Мазкур баҳсда майдон эгалари 3:1 ҳисобида ғалаба қозонди. 

Легионеримиз Жалолиддин Машарипов ушбу беллашувни асосий таркибда бошлади ва 66-дақиқада ўз ўрнини Винсент Абубакарга бўшатиб берди.

Учрашувнинг 89-дақиқасида Каку пенальтини аниқ амалга ошириб, меҳмонларни ҳисобда олдинга олиб чиқди. Орадан 3 дақиқа ўтиб, Машарипов ўрнига майдонга тушган Абубакар орадаги фарқни йўққа чиқарди. 

98-дақиқада Ҳамдаллаҳ 11 метрлик нуқтадан гол уриб, жамоасини олдинга олиб чиқди. 114-дақиқада марокашлик ҳужумчи ҳисобни ишончли кўринишга келтирди.