Саудия Арабистони чемпионати Ўзбекистонда намойиш этилиши мумкин

Сўнгги вақтларда машҳур футболчилар трансфери орқали бутун дунёга ном чиқараётган Саудия чемпионати Ўзбекистон телевидениесида намойиш этилиши мумкин.

Режиссёр Жамолиддин Бобожонов ўзининг "Твиттер"даги саҳифасига қуйидаги суратни жойлади ва "УзСпорт ТВ Саудия чемпионатини олмоқчи. Биринчи музокара" деб ёзиб қолдирди.

Суратда телеканал директори Зоҳид Каримов ҳамда "Ан-Наср" клуби футболчиси Жалолиддин Машариповни кўриш мумкин.

Воқеалар ривожини биз билан кузатишда давом этинг.