Сенченко: "У АҚШлик бўлса-да, мексикаликларга хос бокс тушади"
Ahmadbek Eshmatov
У Бенавидес-Гвоздик жангига тахмин билдирди.
Собиқ жаҳон чемпиони, ҳозирда мураббий Вячеслав Сенченко Aлександр Гвоздик (20-1, 16 КО) ва Девид Бенавидес (28-0, 24 КО) ўртасидаги жанг ҳақида гапирди.
"Гарчи Гвоздикни қўллаб-қувватласам ҳам, Бенавидеснинг очколар бўйича ғалаба қозонишига ишонаман. Мен Бенавидесни биринчи марта тренажёр залида Фредди Роуч билан бирга кўрганман, у ўшанда бу йигит иқтидорли ва жаҳон чемпиони бўлишини айтган эди. Бенавидес АҚШ вакили бўлса-да, мексикача услубга эга, блок орқали кўп ишлайди, кетма-кет ва кучли зарбалар беради. Бу баҳс рақобатбардош бўлиши аниқ”, — деди Сенченко.
Эслатиб ўтамиз, Гвоздик ва Бенавидес жанги 16 июнга ўтар кечаси Лас-Вегасда бўлиб ўтади.
Изоҳлар (0)