
Сенсация: Саудияликлар Анчелоттини олиб кетади
Карло Анчелотти бор эътиборини жорий мавсумда “Реал” билан Испания чемпионати ва Европа Чемпионлар лигасида ғолиб чиқишга қаратган.
Бироқ италиялик мутахассиснинг клубдаги келажаги ҳамон мовҳум бўлиб турибди. Матбуотда “Қироллик клуби” 65 ёшли мутахассис ўрнига Хаби Алонсо, Зинедин Зидан, Юрген Клопп каби машҳур мураббийларни олиб келиши мумкинлигини ҳақидаги маълумотлар кўпайиб бормоқда.
Бунинг ортидан Саудия Арабистони клубларида Карло Анчелоттини олиб кетиш истаги кучайиб бормоқда.
Шайхлар ўзларининг Профессионал лигалари даражасини кўтариш ва савиясини ошириш йўлида Европа футболида барча нуфузли совринларни қўлга киритиб бўлган Карло Анчелотти билан ҳамкорлик қилишни мўлжаллаяпти.
Улар тажрибали мутахассисга узоқ муддатли ва сердаромад шартнома беришга тайёр. Бу борада кўп нарса “Реал” мавсумни қандай якунлаши ва Карло Анчелотти қандай қарорга келишига боғлиқ бўлади.
Комментарии