Сергеев жамоаси Таиланд кубогини қўлга киритди

Ўзбекистон миллий терма жамоаси аъзоси Игорь Сергеев "Патум Юнайтед" билан Таиланд кубоги соҳибига айланди. 

Мамлакат кубоги финали доирасидаги "Патум Юнайтед" ҳамда "Муангтонг Юнайтед" жамоалари ўртасидаги баҳс бўлиб ўтди. Учрашув 1:0 ҳисобида патумиликларнинг ғалабаси билан якунланди. Легионеримиз Игорь Сергеев жароҳати сабаб ўйинни ўтказиб юборди. 

Маълумот учун, 31 ёшли ҳужумчи Осиё кубоги 3-туридан ўрин олган Австралия ва Ўзбекистон терма жамоалари ўртасидаги учрашувнинг иккинчи бўлимида жароҳат олиб майдонни тарк этганди ва ҳали майдонга қайтмади.