Осиё Чемпионлар Лигаси “С” гуруҳи 5-туридан ўрин олган Тошкентнинг “Бунёдкор”  ва Саудия Арабистонининг “Ал-Аҳли”клублари ўртасидаги учрашувдан олдин ўтказилган матбуот анжуманида “қалдирғочлар” устози Сергей Лушчан ўз фикрларини билдирди.

• Кристиан Гросс: “Бунёдкор”нинг йўқотадиган нарсаси йўқ, биз эса 3 очко ишлаш учун келдик

“Бунёдкор” гуруҳдан чиқиш имкониятини йўқотиб бўлди. Эртага муносиб ўйин кўрсата олсак, бу бизнинг ютуғимиз бўлади. Таркибда йўқотишлар бўлса-да, руҳий жиҳатдан ўйинга тайёрмиз. Рақиб кучли бўлишига қарамай, нимага қодир эканимизни кўрсатами”, – деди Лушчан.

Эслатиб ўтамиз, “Бунёдкор” – “Ал-Аҳли” учрашуви эртага, 24 апрель куни пойтахидаги “Бунёдкор” стадионида бўлиб ўтади. Ўйин соат 19:00 да бошланиши кўзда тутилган.