Сервер Жепаров

Клуб матбуот хизмати тарқатган хабарга кўра, сешанба кунидан эътиборан бекободликлар Қибрай ўқув-машғулот масканида тўпланишди ва 4-тур баҳсига тайёргарликни бошлаб юборишган.

Айни пайтда “Металлург” футболчиларининг кайфияти ёмон эмас. Бугун Қибрайда ёшлар биринчилигининг “Пахтакор” – “Динамо” жамоалари ўйини ўтказилиши боис бекободликлар бир маҳаллик машғулотлар билан чекланишди.

Таркибда фақатгина Сервер Жепаров йўқ. У Самарқандда олинган жароҳат сабаб шифокорлар ёрдамида жисмоний машғулотлар ўташ билан кифояланди. Қолган барча футболчилар мураббийлар штабининг кўрсатмаси асосида интенсив машғулотларда иштирок этишди.

Эслатиб ўтамиз, навбатдаги учрашувни “Металлург” 21 апрель санасида Жиззахда маҳаллий “Сўғдиёна” жамоасига қарши ўтказади.