Серхио Рамос қайси жамоа таклифини қабул қилди?

“Реал” сардори Серхио Рамоснинг фаолиятида ҳал қилувчи палла бошланди. Ёзда шартномаси якунланадиган футболчи фаолиятини қаерда давом эттириш бўйича бир қарорга келгани ҳақида хабарлар тарқатилмоқда.

Рамос Мадриддан кетишга қарор қилса, уни “Манчестер Юнайтед” ва ПСЖ ўз сафига қўшиб олишини маълум қилганди. Футболчининг агенти бу клублар билан музокара олиб боргани ҳақида ҳам маълумотлар бор.

Сўнгги хабарларга қараганда, “Қироллик клуби”  Рамосни Мадридда қолишга кўндирган. Унга кўра, испаниялик ҳимоячи билан икки йиллик шартнома имзоланади ва унинг 12 миллион евро миқдоридаги йиллик маоши сақлаб қолинади. Шунга қарамай, пандемия шароитидаги инқироз туфайли клуб футболчининг маошидан 10 фоиз ушлаб қолади.

Аввалига, бу шартномани қабул қилмаган Серхио Рамос энди клуб талабларига кўнган кўринади. Чунки, мадридликлар тез орада футболчи билан шартномани расмийлаштириб қўйишга тайёргарлик қилмоқда.