Serxio Ramos “Real”ga gol ursa, nima qilishini aytdi

PSJdan qo‘nim topgan “Real”ning sobiq sardori Serxio Ramos “Qirollik klubi”ga gol ursa, nima qilishini aytdi.

- Men oxirgi matbuot anjumanida hammaga tushunarli tarzda ortga qaramaslik kerakligini aytdim. Men PSJni tanlaganimdan mamnunman. Lekin “Real” darvozasiga gol ursam, hech qachon uni nishonlamayman. Chunki bu mening oilam va doim qalbimda saqlayman. Madridliklar shunday hurmatga loyiq, - dedi Serxio Ramos.

Avvalroq, Serxio Ramos yangi jamoadoshi Kilian Mbappega PSJda qolishni tavsiya qilgan edi.