Серхио Рамосга янги жамоа топилди

Айни пайтда “Реал” раҳбарияти амалдаги шартномаси якунланаётган Серхио Рамос билан ҳамкорликни узайтириш бўйича музокара олиб бормоқда.

Томонлар ҳали бир қарорга келгани йўқ. Вазиятни кузатиб турган қатор грандлар Рамосдек кучли футболчини ўз сафига қўшиб олишга тайёр турибди.

Серхиони Дэвид Бекхэм АҚШга олиб кетмоқчи бўлмоқда. Англиялик юлдуз 34 ёшли ҳимоячига ўзига тегишли бўлган “Интер Майами”дан жой бермоқчи. Бекхэм бу трансферни Рамос мадридликлар била келига олмаган тақдирдагина амалга оширади. У футболчи ва “Қироллик клуби”  ўртасидаги музокараларга халақит бермоқчи эмас.

Кўпчилик томонлар ўзаро келишиб олишига ишонмоқда. “Реал”да 2005 йилдан буён ўйнаётган Рамос 22 та совринни қўлга киритган. Бугунги кунда ҳам Серхио жамоанинг катта таъсир кучига эга энг асосий футболчиси ҳисобланади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар