Севгилисими ёки “Реал”нинг ЕЧЛдаги 15-чемпионлиги? Куртуа жавоб берди

Мадриднинг “Реал” клуби дарвозабони Тибо Куртуа “Тwitter”да савол-жавоб ўтказди. Мухлислар унга севгилисими ёки "Реал Мадрид"нинг Чемпионлар лигасидаги 15-ғалабасими кўринишида савол берди. Тибонинг жавоби: "Албатта, 15-ғалаба".

Қизиқарли томони шундаки, кеча мадридликлар посбони учрашиб юрган қизига турмуш қуришни таклиф қилди. Табиийки, у бунга рози бўлди.

Куртуанинг севгилиси исроиллик модел Мишель Герциг бўлиб, улар 2021 йилнинг бошидан бери учрашиб келади. Аввалроқ белгьиялик посбон Марта Домингес билан ажрашганини эълон қилган эди.