“Sevilya” “Bavariya” sobiq futbolchisini o‘z safiga qo‘shib olmoqchi

Ispaniyaning “Sevilya” jamoasi “Bavariya” sobiq himoyachisi Xolger Badshtuberni o‘z safiga qo‘shib olmoqchi.

Nemis nashrlarida yozilishicha, andalusiyaliklar allaqachon Germaniya terma jamoasining 28 yoshli futbolchisi bilan muzokaralarni boshlab yubordi.

Ilgariroq, iyun oyida erkin agentga aylangan Badshtuber xorijda to‘p surishni istashi haqida aytib o‘tgan edi.

Ma’lumot uchun, Badshtuber yakunlangan mavsumda “Shalke-04” safida ijara asosida to‘p surdi va mavsum davomida 12 ta o‘yinda maydonga tushdi.