"Севилья" ҳимоячиси "Барса" ва "Реал" нишонида

"Севилья" клуби ҳимоячиси Жюль Кундега Ла Лига грандлари қизиқиш билдирмоқда.

"Барселона" франциялик фулбекни жамоани тарк этиши мумкин бўлган Пике ўрнига олиб келмоқчи. Шунингдек, 21 ёшли футболчи мадридликлар устози Зинедин Зидан эътиборига ҳам тушган. "Реал" устози ватандоши учун музокаралар ўтказишни клуб раҳбариятидан сўрагани хабар қилинмоқда.

"Андалусияликлар" Кунде учун 75 млн евро талаб қилмоқда. Француз ўтган йили "Бордо" клубидан "Севилья" сафига 25 млн евро эвазига келиб қўшилган эди.