"Шабаб Ал-Аҳли" - "Ал-Наср": 1:1! (матнли трансляция)

Ассалому алайкум, қадрли футбол ихлосмандлари! Ҳамюртларимиз тўп сурувчи "Шабаб Ал-Аҳли" клуби ҳамда "Ан-Наср" жамоалари ўртасидаги БАА Президенти Кубоги финал баҳсига хуш келибсиз. Ўйинни сайтимиз орқали матнли кўринишда кузатиб боришингиз мумкин.

90+5' Учрашув якунланди! "Шабаб Ал-Аҳли" БАА Президенти Кубогига эга чиқди. Эътиборингиз учун раҳмат!

90+3  ГООООООООООООООООООЛЛЛЛ!!! Картабия имкониятдан унумли фойдаланди ва жамоасини ҳисобда олдинга олиб чиқди!

90+2  Пенальти! Бош ҳакам "Ал-Наср" дарвозасига пенальти белгилади! Сўнгги дақиқаларда "Шабаб Ал-Аҳли" ғалабани илиб кетиши мумкин!

90+ Бош ҳакам ўйинга 4 дақиқа вақт қўшиб берди.

89' Ўйинни экстра-таймларда ҳам кузатиб борамиз шекилли...

84' Кетма-кет ҳужумлар "Шабаб" аъзолари томонидан уюштирилмоқда, бироқ улардан ҳозирча наф чиққани йўқ.

82' ГООООООООООООЛЛЛ!!! "Ал-Наср" ҳисобни тенглаштирди! Абед Меҳди гол муаллифи!

76' Ҳассан Мажид ўрнига Ал Нақби ўйинни кучайтиришга ҳаракат қилади.

73'  Муҳаммед Ҳусаин ўрнига Ҳамис ўйинга қўшилди.

72' Тўп назорати бўйича кичик устунлик "Шабаб Ал-Аҳли" томонида.

70' Навбатдаги ўзгариш: Валентини Габриел ўрнига Балооши Абдулла ўйинни кучайтириш учун майдонга тушди.

68' "Ал-Наср"да ўзгариш: Фардан Абдулла ўрнига Каику де Силва ўйинга қўшилди.

66' Дубайликлар устунликни секин-аста ўз қўлига олди.

64' Машариповнинг жарима майдончаси чизиғи устидан берган кучли зарбасини дарвозабон қийинчилик билан қайтарди! Ажойиб сейв!

62' "Ал-Наср" аъзосига сариқ карточка кўрсатилди. Палапартиш вазиятда унинг кимлигини ҳам илғаб олиш қийин бўлди. У Таглиабу экан.

60' Устунлик секин-аста "Ал-Наср" томонга ўтмоқда. Ҳисобни тенглаштириб олиш уларнинг айни дамдаги асосий мақсади.

57' Ҳамробеков рақиби билан тўқнашиб кетди. Бош ҳакам дубайликлар фойдасига жарима зарбаси белгилади.

56' "Шабаб Ал-Аҳли" бурчак тўпига эга чиқди. Жалолиддин Машарипов тўпни ўйинга киритиб беради.

54' Тўп майдон марказида бўлиб қолмоқда. Иккала клуб ҳам бехато ўйнашга ҳамда рақибни ўтказиб юбормасликка уринишмоқда.

51' Ўйин бир темпда давом этмоқда. Жамоалар тўп учун майдоннинг ҳар бир қарич ерида кураш олиб бормоқда.

49' Хавфли вазият юзага келмади. Позицион ҳужум юзага келиши мумкин.

48' Бурчакдан тўпни ўйинга меҳмонлар киритиб беради.

47'  Иккинчи бўлимни тезкорлик билан бошлаб олган "Ал-Наср" ҳужумини хавфли зарба билан якунлади, дарвозабондан сейв.

46' Иккинчи бўлим бошланди!

45' Футболчилар майдонга қайтишмоқда. Биз ҳам қайтамиз!

45' Биринчи бўлим якунланди! Танаффус.

44' ГООООООООООООООООООООООЛЛЛ!!! "Шабаб Ал-Аҳли" ҳисобни очди! Федерико Картабия гол муаллифи. "Ал-Наср"нинг хатоси ўзига қимматга тушди!

43' Пенальти! "Шабаб Ал-Аҳли" фойдасига!

43' Ўнг қанот ўта фаол. "Шабаб"га бу устунлик бериши мумкин.

40' Жарима зарбалари сони бўйича устунлик "Ал-Наср"да.

38' Ўйин устунлиги энди "Шабаб Ал-Аҳли" томонга кўчди. Майдон марказида тўп учун кураш кучли.

36' Бурчак тўпини Машарипов ўйинга киритиб берди, хавфли вазият, бироқ ҳимоячилар ўз ўрнида.

34' Дарвозабон Носир Мажид жамоасининг жонига оро кирди, унинг маҳорати ҳозир "Шабаб"ни голдан сақлаб қолди!

31' Ҳимоячиларнинг фаол ҳаракатлари боис тўп узоқлаштирилди. Дубайликлар позицион ҳужум уюштиришда давом этади.

30' Бурчакдан тўпни "Ал-Наср" аъзоси ўйинга киритиб беради.

28' Ўйинда ҳозирча тенглик. Жамоалар турли жабҳаларда бир-биридан ўзишга ҳаракат қилмоқда, тўп назорати бўйича устунлик "Шабаб Ал-Аҳли"да, зарбалар бўйича устунлик "Ал-Наср"да.

26' Жарима майдони ташқарисидан туриб берилган зарбага аниқлик етишмади. Тўпни "Шабаб" дарвозабони ўйинга киритади.

24' Машариповга нисбатан ўйин қоидаси бузилди. Жарима зарбаси.

23' Бурчакдан тўп ҳаволатиб узатиб берилди, бош билан берилган зарбани эса дарвозабон Носир Мажид қийинчилик билан бартараф этди.

22' "Ал-Наср" ҳам бурчакдан тўпни ўйинга киритиб беради. Дубайликлар жарима майдони ичида палапартиш вазият.

20' Бурчак тўпидан сўнг хавфли вазият юзага келмади. Қарши ҳужум кўришимиз мумкин.

19' "Шабаб Ал-Аҳли"нинг чап қанотдан уюштирган ҳужуми бурчак зарбаси билан якунланди.

17' Номинал меҳмонлар жарима майдончаси яқинида фол ишлаб олишди. Хавфли жарима зарбаси бўлиши мумкин. Маълумот учун, улар ҳали биронта аниқ зарба йўллашгани йўқ.

15' Майдон марказида "Ал-Наср" футболчилари позицион ҳужум уюштириш билан банд. Рақиб хатоси пойланмоқда.

13' Ҳамробековнинг узатмасидан сўнг "Шабаб" аъзоси тўпни дарвозага йўллади, дарвозабон қийинчилик билан тўпни қайтарди.

11' Яққол устунлик дубайликларда. Тўп назорати 65:35!

9' "Ал-Наср"нинг илк уюштирган ҳужуми ноаниқ зарба туфайли чиппакка чиқди. Дарвозабон тўпни ўйинга киритиб беради.

7' карлоснинг зарбасига аниқлик етишмади.

5' Ўнг қанотдан уюштирилган ҳужумни Машарипов зарбаси билан якунлади, дарвозабондан ажойиб сейв!

3' "Шабаб Ал-Аҳли" илк дақиқаларни устунлик билан бошлади. Қанотлар фаол.

1' Учрашув бошланди!

0' Футболчилар майдонга чиқиб келишмоқда. Мадҳия янгради.