Shahram va Murodjon yurtimizga qaytib keldi

Professional boksda muvaffaqiyatli faoliyat olib borayotgan bokschimiz Shahram G‘iyosov va Murodjon Ahmadaliev Toshkentga keldi.

Ularni Islom Karimov nomidagi Toshkent xalqaro aeroportida  O‘zbekiston boks federatsiyasi mutassadilari,  muxlislar va ommaviy axborot vositalari xodimlari va sportchilarning ota-onalari tantanali ravishda kutib olishdi.

Eslatib o‘tamiz Professional boksda faoliyat olib borayotgan bokschimiz Shahram G‘iyosov so‘nggi jangini amerikalik Emmanuel Teylorga qarshi o‘tkazib, ochkolar hisobida zafar quchgan va interkontinental kamarini qo‘lga kiritgan edi.

Shuningdek, Murodjon Ahmadaliev esa meksikalik Karlos Karlsonga qarshi ringga chiqib, 3-raundayoq  raqibini nokautga uchratgandi.