Шаҳзод Нурматов собиқ клубига қайтди

Икки йил давомида АГМК таркибида тўп сурган ҳужумчи Шаҳзод Нурматов клубини ўзгартирди.

Sports.uz маълумотига кўра, Нурматов “Металлург” жамоасига қайтди. Ўз вақтида у беш йил давомида бекободликлар шарафини ҳимоя қилган. Сўнг, “Бунёдкор”да уч мавсумни ўтказгач, АГМКга кўчиб ўтганди.

Лекин унинг Олмалиқдаги гол уриш борасида кўрсатган самарадорлиги баланд эмас. 2019 йилда чемпионат баҳсларида иккита гол урган ҳужумчи ўтган йили ҳам яна иккита гол муаллифи бўлди.

“Металлург” устози Андрей Шипилов унга ишонч билдирмоқда. Балки Нурматов собиқ жамоасида ўзининг самарадорлигини ошириш имкониятига эга бўлар, буни албатта вақт кўрсатади.  

Матнда хатолик топсангиз, ўша хатони белгилаб, бизга жўнатинг (Ctrl + Enter)