Шакири: "Роналдуни ҳисобдан чиқариб бўлмайди"

Швейцарияни нимчорак финалда Португалияга қарши учрашув кутмоқда. Ушбу ўйин олдидан терма жамаони асосий футболчиларидан бири Жердан Шакири Роналду ҳақида ўз фикрлари билан ўртоқлашди.

“Роналдуни ҳисобдан чиқариб бўлмайди. У Лионель Месси билан биргаликда дунёнинг энг яхши футболчиларидан бири. Бу йигит исталган сония, исталган дақиқада гол уриши мумкин. Унинг тажрибаси бор ва Португалия учун қанчалик муҳимлигини ҳамма билади”, - деди 31 ёшли вингер.

“Роналдудан ташқари бошқа футболчиларга ҳам этибор беришимиз керак. Сабаби, уларда ўйинни ҳал қилиб кетиши мумкин бўлган ўйинчилар бор. Плей-оффда ҳамма нарса содир бўлиши мумкин. Биз бу учрашувни интиқлик билан кутмоқдамиз”, - дея қўшимча қилди Шакири.

Айни дамда МЛСда фаолиятини давом эттираётган футболчи мундиалда Сербияга қарши ўйинда битта гол уришга муваффақ бўлди. Ушбу тўқнашув ғолиби Марокаш ёки Испанияга қарши чорак финалда майдонга тушади.