Шахмат Олимпиадаси. Икки баҳсда кучлар тенг келди, икки ўйин давом этмоқда

Ҳиндистоннинг Ченнай шаҳрида ўтказилаётган шахмат Олимпиадаси ўзининг қизғин палласига кириб улгурди.

Бугун Нидерландия жамоасига қарши баҳс олиб бораётган вакилларимиз иккита дуранг қайд этди. Нодирбек Абдусатторов Аниш Гири билан, Нодирбек Ёқуббоев Йорден ван Форест билан дуранг ўйнади. Ҳозирча, яна иккита беллашув давом этмоқда.

Жавоҳир Синдаров Беньямин Бокка қарши, Жаҳонгир Воҳидов Макс Уормердамга қарши дона суряпти. Қувонарлиси, компютерлар ҳар икки шахматчимизнинг эҳтимолий ғалабасини қайд этмоқда.