Shaxmat. Toshkentda FIDE hakamlarining seminari bo‘lib o‘tmoqda

9 maydan Toshkentdagi Xalqaro shaxmat akademiyasida FIDE hakamlarining seminari bo‘lib o‘tmoqda. Seminarda turli mamlakatlardan 15dan ortiq hakamlar ishtirok etmoqda.

Seminar va testlardan muvaffaqiyatli o‘tgan ishtirokchilar FIDE hakamlari qatoridan joy oladi.

Seminar rahbari – xalqaro hakam, FIDE ma’ruza guruhi a’zosi va FIDE qoidalar komissiyasining faxriy raisi Ashot Vardapetyan (Armaniston), seminar assistenti – xalqaro hakam, FIDE qoidalari komissiyasi maslahatchisi Husan Turdialiev (O‘zbekiston).