Shayxlar “Barsa”ning ikki yulduzini olib ketadi

“Barselona”ning ikki qimmatbaho futbolchisi joriy mavsum yakunlanganidan keyin Saudiya Arabistoniga ko‘chib o‘tishi mumkin.

Fichajes nashrining ma’lum qilishicha, shayxlar Frenki de Yong va Rafinya Diasni sotib olishga tayyorgarlik ko‘rmoqda.

Kataloniya klubi moliyaviy imkoniyatlarini yaxshilab olish uchun har ikki yulduzini qo‘yib yuborishga tayyor. Ayniqsa, niderlandiyalik pleymeyker jamoa bosh murabbiy Xans-Diter Flik ishonchini oqlay olmayapti.

Rafinya Dias joriy mavsumda yaxshi o‘ynayotgan va to‘purarlik mahoratini namoyish qilayotgan bo‘lsa-da, klub rahbariyati bu ko‘rsatkichlar uni qimmatroq narxga transfer qilish imkoniyatini beradi, deb hisoblamoqda.

Ayni paytda Transfermarkt portalida Frenki de Yongning narxi 45 million evroga baholangan. Rafinya Diasning transfer summasi 80 million evroni tashkil qilyapti.