"Шеффилд" - "Челси": Матнли трансляция

Ассалому алайкум, қадрли футбол ихлосмандлари! Англия Премьер-Лигаси 23-туридан ўрин олган "Шеффилд Юнайтед" - "Челси" бошланиш арафасида. Учрашувни сайтимиз орқали матнли кўринишда кузатиб боришингиз мумкин. Матнли трансляцияни Абдулла Маннонов олиб боради.

• 90+6'
  

  Учрашув якунланди! "Челси" меҳмонда "Шеффилд"ни қийналмай мағлуб этди. Матнли трансляцияни Абдулла Маннонов  олиб борди. Эътиборингиз учун раҳмат!

• 90+2'

  Брюстернинг зарбаси дарвозагача етиб бормади, у блокланди.

• 90+'
  

  Учрашувга 5 дақиқа вақт қўшиб берилди.

• 88'

  "Челси" сўнгги дақиқаларни тўп назорати билан ўтказмоқда.

• 86'
  

  "Шеффилд"да захира ишга солинмоқда: Оливер Норвуд ўрнига Райан Брювстер ўйинга қўшилди.

• 84'

  Бурчак тўплари бўйича айни дамдаги статистика: 1-8!

• 80'
  

  Мейсон Маунт бурчак тўпи тепди: омадсиз уриниш, тўп юқорилаб кетди.

• 79'

  Рис Жеймс жамоасига бурчак тўпи ишлаб берди.

• 76'

  Матео Ковачич зарба учун қулай позицияда эди, бироқ тўп юқорига кетди.

• 75'
  

  Томас Тухельдан юриш: Тимо Вернер ўйинни захира ўйиндиғидан туриб томоша қилади, ўйинни унинг ўрнига Нголо Канте тугатиб қўяди.

• 73'

  Оливер Норвуд "Челси" жарима майдони ичига тўпни ҳаволатиб узатди, иккинчи қаватда яна лондонликлар устун.

• 71'

  Рис Жеймс қўпол ўйнади, бош ҳакам Кевин Френд ҳуштагини чалиб ўйинни тўхтатди.

• 69'
  

  Мезбонларда ўзгариш: Кен Брайан ўрнига Билли Шарп ўйинга қўшилди.

• 68'
  

  Маунтнинг узатмасидан сўнг хавфли ҳужум юзага келмади.

• 67'

  "Шеффилд" футболчилари яхши подкат билан тўпни бурчакка чиқариб юборди, Маунт уни ижро этади.

• 65'

  Ремсдейлда барчаси жойида. У ўйинни давом эттира олади.

• 64'
  

  Аарон Ремсдейл майдонда тиббий ёрдам олмоқда. Жароҳат жиддий шекилли.

• 63'
  

  "Шеффилд"да ҳам ўзгариш: Оливер Берк ўрнига Девид Макголдрик ўйинга қўшилди.

• 62'
  

  Тухельдан навбатдаги ўзгариш: Чилуэлл ўрнига Маркос Алонсо ўйинга қўшилди.

• 62'
  

  "Челси"да ўзгариш: Оливье Жиру ўрнига Каллум Хадсон-Одои ўйинга қўшилди.

• 60'

  Мезбонлар аъзоси Жон Флекнинг узоқ масофадан берган зарбаси дарвозабон томонидан қайтарилди.

• 58'
  

  ГООООООООООООООООООЛЛЛ!!! Жоржиньо совуққонлик билан пенальтини ижро этди ва дарвозанинг пастги ўнг бурчагини ишғол қилди! 1-2! Тезкор жавоб!

• 57'

  ВАРга мурожаат қилинмоқда. Пенальти масаласида бир ўйлаб кўриш лозим.

• 56'
  

  Тимо Вернер жарима майдончаси ичига ёриб кириш жараёнида дарвозабоннинг қўлига чалишиб йиқилиб тушди! Бош ҳакам, дастлаб "Пенальти йўқ", деди. Кейин эса у фикридан қайтди!

• 54'
  

  ГООООООООООЛЛЛ!!! "Челси" ўз дарвозасини ишғол қилмоқда! Рюдигер ва дарвозабон бир-бирини тушунмай қолди ва натижада Антонио ўз дарвозасига гол уриб қўйди! 1-1!

• 53'

  Жиру жарима майдончаси ичига тўпни узатиб берди, бироқ ҳимоячилар ишончли ўйнади.

• 49'

  Оливье Жиру ўйин қоидасини қўпол тарзда бузди, ҳакам буни сезди ва жарима зарбаси белгилади.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+1'
  

  Биринчи бўлим якунланди. Танаффус.

• 45+'
  

  Биринчи бўлимга 1 дақиқа вақт қўшиб берилди.

• 43'
  

  ГООООООООООООЛЛЛ!!! "Челси" ҳисобни очмоқда! Тимо Вернернинг узатмасини Мейсон Маунт дарвозага жойлаб қўйди ва жамоасини ҳисобда олдинга олиб чиқди! 0-1!

• 40'
  

  Яқиндаги шеригига Чилуэлл тўпни узатиб берди, позицион ҳужум ташкил этилади.

• 39'
  

  Беннинг ўзи бурчак тўпини ижро этди, ҳимоячилар яна шундай ҳаракатланишди. Такрорий зарба.

• 38'

  Чилуэлл қанотдан рейд уюштириб, жарима майдончасига узатма амалга оширди, тўп эса чиқариб юборилди. Ён ҳакам бурчакни кўрсатди.

• 36'
  

  Бенжамин Чилуэлл офсайдда қолиб кетди.

• 34'

  Бен Чилуэллнинг жарима майдони ташқарисидан берган кучли зарбаси дарвозанинг бироз ёнидан ўтиб кетди! Ажойиб вазият.

• 30'

  Рюдигернинг ажойиб зарбаси дарвозадан бироз юқорилаб кетди.

• 29'
  

  Бен Чилуэлл бурчакдан тўпни ўйинга киритиб беради.

• 28'

  Бен Чилуэлл бу вазиятда жуда ақлли ўйнади! Пас голли бўлиши мумкин эди, бироқ якунда ҳимоячилар устунроқ келишди.

• 25'
  

  Тимо Вернер офсайдда қолиб кетди.

• 24'

  Матео Ковачич жарима майдончаси ичига тўпни етказиб берди, бош билан яхши ўйнаган "Шеффилд" аъзолари тўпни узоқлаштиришди.

• 21'

  "Аристократлар" тўпни бир-бирига қисқа паслар орқали етказиб беришмоқда, "тики-така" авжида.

• 20'

  Ўйин асосан марказда кечмоқда, "Челси" позицион ҳужумлар билан банд.

• 18'

  Мейсон Маунт жарима майдончаси ичига тўпни узатди, дарвозабон уни эгаллаб олди.

• 17'
  

  Қўпол фоли учун "Шеффилд" футболчиси Крис Бэшем сариқ карточка билан огоҳлантирилди.

• 15'

  "Челси" ўйинда катта устунлик қилмоқда. Тўп назорати ҳам юқори: 22:78!

• 13'

  Йўқ! Бу пенальти эмас! Бош ҳакам вазият пенальтига тортмайди, деб ҳисоблади! Ўйин давом этади.

• 13'

  Бош ҳакам ВАРга мурожаат қилмоқда. Вазият ойдинлаштирилади. Агарда ҳаммаси рост бўлса, "Шеффилд" пенальти тепади!

• 12'
  

  Пенальти! Бен Чилуэлл жарима майдончаси ичида рақибини қўпол тарзда йиқитди ва бош ҳакам 11 метрлик нуқтани кўрсатди!

• 10'

  Иккинчи қаватда "Челси" футболчилари устун келди.

• 9'

  Ухх! Андрес Кристенсен бу фоли учун қизил карточка ҳам олиши мумкин эди! Бироқ ҳакам ўйиннинг энди старт олганини ҳам инобатга олган ҳолда оғзаки огоҳлантириш ва жарима зарбаси билан чекланди.

• 7'
  

  Бен Чилуэлл бурчакдан тўпни ўйинга киритиб берди, бироқ тўпга унинг биронта шериги эга чиқолмади.

• 6'

  Вернер тўпни кераксиз вазиятда йўқотди, "Шеффилд"дан қарши ҳужум кўришимиз мумкин.

• 5'

  Маунтнинг узатмасидан сўнг жарима майдончаси ичида палапартиш вазият юзага келди, якунда бу курашда ҳимоячилар ютиб чиқди.

• 4'
  

  Мейсон Маунт бурчакдан тўпни ўйинга киритиб беради.

• 3'

  Тимо Вернер кросс амалга оширмоқчи бўлганди, бироқ ҳимоячи тўп йўлидан чиқди ва уни аутга чиқариб юборди.

• 2'

  "Шеффилд"дан уриниш: Оливер Берк жарима майдони ичида узатмани қабул қилиб олди ва дарвозага зарба берди. Тўп чап учтуннинг ёнгинасидан ўтиб кетди.

• 1'
  

  Учрашув бошланди!

• 0'

  Футболчилар майдонга чиқиб келишмоқда. АПЛ мадҳияси янгради.

• 0'

  Ассалому алайкум, қадрли футбол ихлосмандлари! АПЛ 23-турининг яна бир баҳси бошланиш арафасида. "Шеффилд" ўз уйида "Челси"ни меҳмон қилади. Ўйинни сиз билан Абдулла Маннонов биргаликда кузатиб боради.