"Шеффилд" - "Ливерпуль": Матнли трансляция
Ассалому алайкум, қадрли футбол ихлосмандлари! Англия Премьер-Лигаси 26-туридан олган "Шеффилд" - "Ливерпуль" баҳсига хуш келибсиз. Ўйинни сайтимиз орқали матнли кўринишда кузатиб боришингиз мумкин. Матнли трансляцияни Абдулла Маннонов олиб боради.
- 90+3'
Учрашув якунланди! "Ливерпуль" меҳмонда аутсайдерга ҳеч қандай имконият қолдирмади. Матнли трансляцияни Абдулла Маннонов олиб борди. Эътиборингиз учун раҳмат!
- 90+'
Учрашувга 3 дақиқа вақт қўшиб берилди.
- 87'
Садио Мане ҳужумда фол қайд этди. Жарима зарбаси.
- 83'
Дарвозага йўлланган аниқ зарбалар статистикаси: 1-8!
- 81'
"Шеффилд"да ҳам ўзгариш: Жон Флек ўрнига Билли Шарп ўйинга қўшилди.
- 80'
Ўзгариш: гол урган Кюртис Жонс ўрнига Наби Кейта ўйинга қўшилди.
- 80'
Ажойиб вазият! Эндрью Робертсон жарима майдончаси ичидаги Салаҳни топди ва унга тўпни узатди, Салаҳнинг зарбаси ўнг бурчакнинг ёнгинасидан ўтиб кетди!
- 76'
"Ливерпуль"да ўзгариш: Тьяго Алкантара ўрнига Жеймс Милнер ўйинга қўшилди.
- 75'
"Ливерпуль" футболчилари тўпни чиройли тарзда назорат қилмоқда.
- 73'
Жон Лундстрамнинг узатмасини жарима майдончаси ичида қабул қилиб олувчи футболчи топилмади.
- 69'
Оливер Беркнинг узатмасини Лундстрам қабул қилиб олди, бироқ дарвозага зарба йўллай олмади.
- 66'
Жон Флек бурчакдан тўпни ўйинга киритиб беради.
- 65'
ГОООООООООООООООООЛЛЛ!!! Роберто Фирминодан класс! У ажойиб техникасини кўрсатди ва дарвозабонга ҳеч қандай имконият қолдирмади! 0-2!
- 62'
Жон Флек бурчакдан тўпни ўйинга киритиб берди, Адриан тўпга ҳаммадан эрта эга чиқиб келди.
- 62'
"Шеффилд" футболчилари тўп назоратини қўлга олишга интилиб бормоқда.
- 57'
Навбатдаги ўзгариш: Жагелка ўрнига Озборн ўйинни кучайтириш учун майдонга тушди.
- 56'
"Шеффилд"да ўзгариш: Девид МакГолдрик ўрнига Оливер Берк ўйинга қўшилди.
- 54'
Садио Маненинг голи офсайд сабабли инобатга олинмади!
- 50'
Йўқ, барчаси жойида! Гол инобатга олинди! "Ливерпуль" футболчилари голни қайтадан нишонлашди.
- 49'
Гол бекор қилиниши ҳам мумкин! Бош ҳакам ВАРга мурожаат қилмоқда!
- 49'
ГООООООООООООООООООООЛЛЛ!!! Кьюртис Жонс техникасини намойиш этди ва ажойиб зарбаси билан дарвозани ишғол қилди! Ҳисоб очилди: 0-1!
- 47'
Бош ҳакам хуштагини чалди, Жон Брайан ҳужумда фол қайд этди.
- 47'
Жон Флек бурчакдан тўпни ўйинга киритиб беради. "Ливерпуль" ҳимояланмоқда.
- 46'
Иккинчи бўлим бошланди!
- 45'
Футболчилар майдонга қайтишмоқда. Биз ҳам қайтамиз.
- 45+1'
Биринчи бўлим якунланди! Танаффус.
- 45'
МакГолдрикнинг ажойиб узатмасини ҳимоячилар қайтарди.
- 40'
МакГолдрик хавфли ўйнади.
- 38'
Салаҳнинг зарбасини ҳимоячи блоклади, қайтадан позицион ҳужум ташкил этилмоқда.
- 36'
Оливер Макбернининг голи инобатга олинмади. Футболчи воқеалар ривожидан илгарилаб кетган экан.
- 33'
Арнольднинг бурчакдан йўллаган зарбасини ҳимоячилар ишончли ўйини билан узоқлаштирди.
- 32'
Ух қандай сейв! Арнольднинг зарбасини дарвозабон ишонч билан қайтарди! Қойил!!!
- 30'
Салаҳнинг зарбаси дарвоза устунига тегди!
- 27'
Робертсон бурчакдан тўпни ўйинга киритиб беради.
- 26'
Жорж Болдок Стивенснинг узатмасини дарвозага йўллай олмади. "Ливерпуль" қапши ҳужумда.
- 24'
Тьяго Алкантара қўпол ўйнади, буни кўрган Девид Мосс хуштагини чалди ва жарима зарбаси белгилади.
- 22'
Тренд Александр-Арнольд жарима майдончаси ичига тўпни узатди, Ремздейл тўпни ишонч билан эгаллаб олди.
- 18'
Жон Флек бурчакдан тўпни ўйинга киритиб берди, бироқ дарвозабон тўпга ҳаммадан эрта чиқиб келди.
- 17'
МакГолдрикнинг зарбасини Адриан чиройли тарзда қайтарди ва тўни бурчакка чиқариб юборди.
- 16'
Бурчакдан тўпни Робертсон ўйинга киритди, иккинчи қаватда яхши ўйнаган ҳимоячи тўпни узоқлаштирди.
- 16'
Робертсон жарима майдончаси ичига узатма амалга оширди, ҳимоячилар вазиятни бартараф этди.
- 13'
Роберто Фирмино ҳужумда фол қайд этди.
- 11'
Роберто Фирмино жарима майдончаси ичига ёриб кирди ва дарвоза марказига зарба берди! "Шеффилд" посбонидан ажойиб сейв!
- 8'
Ремздейл ҳимоячидан ўта олмади, Робертсон яхши ўйнади.
- 5'
Девид МакГолдрик иккинчи қаватда ҳаммадан устун келди ва боши билан зарба берди, дарвозабон Адриан ажойиб сейви билан хавфни бартараф этди.
- 4'
Жоржиньо Вейналдум жарима майдончаси ичига узун пас амалга оширди, бироқ ҳимоячилар уни узоқлаштирди.
- 1'
Учрашув бошланди!
- 0'
Футболчилар майдонга чиқиб келишмоқда. АПЛ мадҳияси янгради.
- 0'
Ассалому алайкум, қадрли футбол ихлосмандлари! АПЛ 26-тури доирасидаги "Шеффилд" - "Ливерпуль" баҳси бошланиш арафасида. Ўйинни сайтимиз орқали матнли трансляцияда кузатиб боринг. Ўйинни сиз билан Абдулла Маннонов кузатиб боради.
Фикрлар