Шерзод Игамбердиев: "Шу йилнинг март ойида Ўзбекистон - Португалия ўртасидаги ўртоқлик учрашуви бўлиши мумкин эди"

ЎФА халқаро алоқалар бўлимининг собиқ раҳбари Шерзод Игамбердиев Ўзбекистон ва Португалия терма жамоалари ўртасида ўртоқлик учрашуви ўтказилиши мумкин бўлганини маълум қилди.

Унинг сўзларига кўра, томонлар ўртасида дастлабки келишув ҳам мавжуд бўлган.

"Ҳа, бизда Португалия билан шу йил март ойида ўртоқлик ўйини ўтказиш бўйича дастлабки келишув бор эди. Агар икки жамоа Жаҳон чемпионатида турли гуруҳларга тушганда, ўйин бўлиб ўтарди.

Албатта, бу бепул ташкил қилиниши керак эди. Лекин хоҳиш бўлганда, “ўртадаги агент”ни топиб, уни ўйин ташкилотчиси сифатида кўрсатиб, бир неча юз минг доллар “ишлаб олиш” ҳам мумкин эди", — дея ёзди Игамбердиев.