Шогирдларини чақираётган Эрик тен Хаг футболчи олишда “таниш-билишчилик” қилмаслигини айтди

“Манчестер Юнайтед”нинг охирги икки йил ичида жамоага олган янги футболчиларининг аксарияти ҳозирги бош мураббий Эрик тен Хаг қўл остида “Аякс”да ўйнаган.

54 ёшли нидерландиялик мураббий Амстердам жамоасини 2017-2022 йиллар давомида муваффақиятли  бошқарган.

Эрик тен Хаг “Манчестер Юнайтед”га собиқ шогирдларининг олиб келинишида ўзининг ҳиссаси йўқлигини таъкидлади.

- Энг аввало, буларнинг бари клуб қарори. Уларнинг бирортаси менга тегишли эмас. Ҳар қандай қарор скаутлар, спорт ва техник директори томонидан таҳлил қилиб чиқилади. Қарорни бир киши қабул қилмайди.

Лекин бир неча футболчиларни шахсан танийман. Бундан ташқари, трансферлар клубнинг молиявий имкониятига ҳам мос тушиши керак, - деди Эрик тен Хаг.

Кейинги йилларда “Манчестер Юнайтед” харид қилган ўйинчилардан ҳимоячилар Маттейс де Лигт, Нуссайр Мазрауи, Лисандро Мартинес, дарвозабон Онана, ҳужумкор футболчи Антони ўз вақтида “Аякс” шарафини ҳимоя қилган.