Shohasan Mirzamatovning navbatdagi jang sanasi va raqibi ma’lum!

16 iyun kuni Qozog‘istonning Almati shahri MMA bo‘yicha professional jang kechasiga mezbonlik qiladi.

Yanada aniqroq qilib aytadigan bo‘lsak, "Oktagon" promoushenining navbatdagi turniri bo‘lib o‘tadi. Biz uchun ahamiyatlisi, hamyurtimiz Shohasan Mirzamatov ham Oktagonga ko‘tariladi. Unga mezbonlar vakili Alibek Seydazim raqiblik qiladi. Mazkur jang yarim o‘rta vazn (77 kg) toifasida bo‘lib o‘tadi.

Ma’lumot uchun, Shohasanning professional janglardagi rekordi 1-1 ni tashkil etadi. Uning raqibida esa, bu ko‘rsatkich 2-0 ga teng. Fursatdan foydalanib, mazkur muhim jangda hamyurtimizga omad yor bo‘lishini tilab qolamiz!