Шоҳжаҳон Эргашев Рамирес ёки Прогрейсга қарши титул жанги ўтказмоқчи

27 ёшли ўзбекистонлик енгилмас боксчи Шоҳжаҳон Эргашев биринчи ўрта оғир вазн тоифасида WBC ва WBO чемпиони Хосе Рамирес ёки WBA камари соҳиби Реджис Прогрейсга қарши жанг қилмоқчи эканлигини айтиб ўтди.

WBA рейтингида 4, IBF рейтингида 6 ва WBO рейтингида 8-ўринда бораётган Эргашев келажакда ўз вазнини ўзгартирмоқчи эканлигини таъкидлади.

"Мен рейтинги юқори, мағлубиятсиз одимлаётган боксчиларни мағлуб этдим. Ҳозир эса менга камар керак. Мен энг кучли боксчи билан жанг қилмоқчиман. Режис Прогрейс, Хосе Рамирес ва умуман барча кучлилар билан. Бир-икки йилдан сўнг ўрта оғир вазн тоифасида чемпион бўлишни истайман", - деб Эргашевнинг сўзлирини келтириб ўтди The Ring нашри.