Шоҳсанам Шерзодова ва Нилуфар Зокирова жаҳон чемпионатида кумуш медални қўлга киритди

Польшанинг Познан шаҳрида ўтаётган байдарка ва каноэда эшкак эшиш бўйича жаҳон чемпионатининг бугунги баҳслари ҳам терма жамоамиз учун муваффақиятли кечди. 

Аёллар ўртасида 200 метр масофага кечган жуфтлик каное дастурида Шоҳсанам Шерзодова ҳамда Нилуфар Зокирова кумуш медалга сазовор бўлишди. 

Бу терма жамоамизнинг мазкур дунё биринчлигида қўлга киритган иккинчи медали бўлди. Эслатиб ўтамиз, кеча шу масофада кечган эркаклар ўртасидаги яккалик каное баҳсларида Артур Гулиев ҳам маррага иккинчи бўлиб етиб келган эди. Бу ҳақда МОҚ хабар бермоқда.