Шомуродов аргентиналик юлдуз билан бирга тўп тепиши мумкин

"Рома" "Ювентус" ҳужумчиси Пауло Дибалани ўз сафига қўшиб олишни истамоқда. 

Аргентиналик футболчининг трансферига шахсан Жозе Моуриньонинг ўзи қизиқиш билдирмоқда. Бу ҳақда "Corriere dello Sport" нашри хабар берди. 

28 ёшли ҳужумчининг ўзи ва атрофидагилар "бўрилар"нинг таклифини кўриб чиқишга тайёр. 

Шу ҳафтада Рим клуби ҳамда Дибаланинг агенти ўртасида учрашув бўлиб ўтиши режалаштирилганди. Бироқ "Рома" "Фиорентина"га (0:2) мағлуб бўлганидан сўнг учрашув бекор бўлганди.