Шомуродов билан ўйнаган футболчи “Манчестер Юнайтед” нишонида!

“Рома” сафида юқори савияли ўйин намойиш қилаётган Пауло Дибала фаолиятини Англия Премьер-лигасида давом эттириш имкониятига эга бўлди.

Аргентиналик юлдузни “Манчестер Юнайтед” ўз таркибида кўришни истамоқда. Бу ҳақда Sky Sports Italy нашри хабар тарқатди.

Манчестерликлар 29 ёшли ҳужумчи учун римликларга 20 миллион евро тўлашга тайёрлигини билдирмоқда.

Дибаланинг “Рома” билан амалдаги шартномаси 2025 йилнинг ярмигача тузилган. Кўп нарса Жозе Моуриньо шогирдларининг мавсумни қандай якунлашига боғлиқ. Агар “Рома” Чемпионлар лигасига йўлланма ола билмаса, Дибала бошқа клублар таклифини ўрганиб чиқиши кутилмоқда.