Shomurodov bilan o‘ynagan futbolchi “Manchester Yunayted” nishonida!

“Roma” safida yuqori saviyali o‘yin namoyish qilayotgan Paulo Dibala faoliyatini Angliya Premer-ligasida davom ettirish imkoniyatiga ega bo‘ldi.

Argentinalik yulduzni “Manchester Yunayted” o‘z tarkibida ko‘rishni istamoqda. Bu haqda Sky Sports Italy nashri xabar tarqatdi.

Manchesterliklar 29 yoshli hujumchi uchun rimliklarga 20 million evro to‘lashga tayyorligini bildirmoqda.

Dibalaning “Roma” bilan amaldagi shartnomasi 2025 yilning yarmigacha tuzilgan. Ko‘p narsa Joze Mourino shogirdlarining mavsumni qanday yakunlashiga bog‘liq. Agar “Roma” Chempionlar ligasiga yo‘llanma ola bilmasa, Dibala boshqa klublar taklifini o‘rganib chiqishi kutilmoqda.