Шомуродов Европадаги юришини қачон бошлаши маълум бўлди

Элдор Шомуродов тўп сураётган “Ростов” жамоаси ўтган йилги премьер-лига баҳсларини бешинчи ўринда якунлаб, янги мавсумда Европа Лигасида ўйнайдиган бўлди.Ростовликлар мусобақани саралаш турнирнинг учинчи босқичидан бошлайди.

Бугунги қуръа ташлаш маросимида учинчи босқич жутфликлари аниқланди.

“Ростов” Исроилнинг “Маккаби Хайфа”, Қозоғистоннинг “Қайрат” ва Босниянинг “Железничар” жамоаларидан бирига қарши ўйнайди. Аслида мусобақанинг дастлабки саралаш босқичида исроилликлар боснияликлар билан куч синашиши лозим эди. Ўйин бошқа муддатга қолдирди. Ушбу жуфтлик ғолиби 17 сентябрга белгиланган иккинчи босқичда “Қайрат” билан беллашади. Ғолиб гуруҳ беллашувлари олдидан бўладиган плей-офф босқичи йўлланмаси учун бўладиган ҳал қилувчи ўйинда Элдор Шомуродов жамоасига қарши ўйнайди.

Учинчи босқич ўйинлари 24 сентябрь куни бўлади. Саралаш турнири ва плей-офф баҳслари  коронавирус пандемияси туфайли бир ўйиндан иборат бўлиши ва мухлисларсиз ўтказилиши белгилаб қўйилган.