Shomurodov jamoasi yaxshi seriyani davom ettirmoqda

Evropada jamoalarning g‘alabali va mag‘lubiyatli seriyalarini ma’lum qilib borish odat tusiga kirgan. Biz ham bir necha kundan beri "Jenoa"ning mag‘lubiyatsiz o‘yinlarni qayd etayotgani borasida xabar bermoqdamiz.

Genuyaliklar 6 fevral kuni "Napoli"ni 2:1 hisobida taslim  qilib, mag‘lubiyatsiz seriyani davom ettirmoqda. Eldor Shomurodov jamoasi 9 yanvardan beri mag‘lubiyatsiz odimlamoqda. "Jenoa" oxirgi 5 uchrashuvda faqatgina "Atalanta" bilan durang o‘ynadi xolos. Qolgan bellashuvlarda zafar quchdi. Shu bois, ular turnir jadvalida 12-o‘rniga ko‘tarildi.

E’tiborlisi, birinchi davrada "Napoli" genuyaliklarni 6:0 hisobida taslim etgandi. Bu natija "Jenoa"ning ushbu mavsumdagi eng yirik mag‘lubiyati sanaladi. Kecha esa, Ballardini shogirdlari raqibni enga oldi. Endi jamoa A Seriyadagi keyingi turni 13 fevral kuni "Torino"ga qarshi o‘tkazadi.