Шомуродов жамоаси яхши серияни давом эттирмоқда

Европада жамоаларнинг ғалабали ва мағлубиятли серияларини маълум қилиб бориш одат тусига кирган. Биз ҳам бир неча кундан бери "Женоа"нинг мағлубиятсиз ўйинларни қайд этаётгани борасида хабар бермоқдамиз.

Генуяликлар 6 февраль куни "Наполи"ни 2:1 ҳисобида таслим  қилиб, мағлубиятсиз серияни давом эттирмоқда. Элдор Шомуродов жамоаси 9 январдан бери мағлубиятсиз одимламоқда. "Женоа" охирги 5 учрашувда фақатгина "Аталанта" билан дуранг ўйнади холос. Қолган беллашувларда зафар қучди. Шу боис, улар турнир жадвалида 12-ўрнига кўтарилди.

Эътиборлиси, биринчи даврада "Наполи" генуяликларни 6:0 ҳисобида таслим этганди. Бу натижа "Женоа"нинг ушбу мавсумдаги энг йирик мағлубияти саналади. Кеча эса, Баллардини шогирдлари рақибни енга олди. Энди жамоа А Сериядаги кейинги турни 13 февраль куни "Торино"га қарши ўтказади.