Shomurodov yoki Dovbik? "Roma"ning asosiy hujumchisi kim ekanligi aytildi

Mashhur italiyalik sobiq futbolchi Anjelo Di Livio "Roma" jamoasida asosiy markaziy hujumchi tanlash borasidagi hozirgi vaziyat haqida o‘z fikrini bildirdi.

- Hozirda "Roma"ning asosiy hujumchisi Eldor Shomurodov hisoblanadi. U bilan biz muhim ochkolarni qo‘lga kiritmoqdamiz.

Biroq, jamoa yozda Dovbikni sotmasligi kerak. Unda muvaffaqiyatga erishish uchun barcha imkoniyatlar bor, ko‘pchilik Italiyada dastlabki yillarda qiyinchiliklarga duch keladi, - deya Di Livioning so‘zlarini keltirdi "Retesport" nashri.

Ma’lumot o‘rnida, Shomurodov so‘nggi besh o‘yinning uchtasida "bo‘rilar"ning asosiy tarkibida maydonga tushdi.